Найбольш актуальнай у сучасных умовах становіцца рэалізацыя практыкаарыентыраванай мадэлі сацыяльнага абслугоўвання, якая своечасова адказвае на ўзнікаючыя праблемы і запатрабаванні сямей, у якіх выхоўваюцца малалетнія дзеці і дзеці з інваліднасцю, а таксама накіравана на станаўленне індывідуальных падыходаў у рабоце з кожнай канкрэтнай сям’ёй, з магчымасцю дыферэнцыраваць аб’ём, характар і структуру сацыяльных паслуг.
З кожным годам усё больш запатрабаванай становіцца паслуга пачасавога догляду за дзецьмі (паслуга няні).Дадзеная паслуга дзяржаўнай установай «Валожынскі тэрытарыяльны цэнтр cацыяльнага абслугоўвання насельніцтва» аказваецца бясплатна:
- сем’ям, якія выхоўваюць дзяцей з інваліднасцю (не больш 20 гадзін у тыдзень да дасягнення дзіцем узросту 18 гадоў);
- сем’ям, якія выхоўваюць дваіх альбо траіх дзяцей, якія нарадзіліся адначасова (не болеш 20 гадзін у тыдзень − для двойняў (40 гадзін у тыдзень−для тройняў) да дасягнення дзецьмі ўзросту 3 гадоў);
- сем’ям, у якіх абое бацькоў альбо адзін з бацькоў у няпоўнай сям’і з’яўляюцца інвалідамі 1 альбо 2 групы (не больш 20 гадзін у тыдзень да дасягнення дзіцем (дзецьмі) узросту 6 гадоў);
- сем’ям, якія выхоўваюць дваіх і больш дзяцей, якія нарадзіліся адначасова, дзяцей з інваліднасцю прадугледжана кароткачасовае вызваленне бацькоў ад догляду за дзіцём (дзецьмі) (не больш 10 гадзін у тыдзень).
У гэтым годзе ў нашым раёне паслугай пачасавога догляду за дзецьмі (паслугай няні) скарысталіся 15 сем’яў, з якіх 7 сем’яў выхоўваюць дзяцей з інваліднасцю, 8 сем’яў выхоўваюць дваіх дзяцей, якія нарадзіліся адначасова і не дасягнулі ўзросту 3 гадоў.
Сацыяльнае абслугоўванне сем’яў з дзецьмі накіравана на расшырэнне магчымасцей сям’і самастойна забяспечваць свае асноўныя жыццёвыя запатрабаванні, на садзейнічанне ўстойліваму функцынаванню сям’і ў напрамку выхавання і сацыялізацыі дзяцей.
Па пытаннях прадстаўлення сацыяльных паслуг звяртацца па адрасе: горад Валожын, вуліца Міру, 8 каб. № 5,6,7
Тэлефоны для даведак:6 81 05, 6 80 75, 6 81 13
Сайт цэнтра:http://volojin-tcson.by
e-mail:tcson@volojin-tcson.by.