Арганізацыя догляду за адзінокім пажылым грамадзянінам, дасягнуўшым 70-гадовага ўзросту, у рамках рэалізацыі дагавора пажыццёвага ўтрымання (дагавор рэнты)

У мэтах узмацнення дзяржаўнай падтрымкі адносна адзінокіх грамадзян, пастановай Савета Міністраў Рэспублікі Беларусь нумар 112 ад 9 лютага 2017 года зацверджана «Палажэнне аб парадку і ўмовах аказання сацыяльных паслуг на падставе дагавораў пажыццёвага ўтрымання за кошт сродкаў мясцовых бюджэтаў». Гэта палажэнне рэгламентуе парадак і ўмовы аказання сацыяльных паслуг на падставе дагавораў пажыццёвага ўтрымання за кошт сродкаў мясцовага бюджэту тэрытарыяльнымі цэнтрамі сацыяльнага абслугоўвання насельніцтва і дзяржаўнымі ўстановамі сацыяльнага абслугоўвання, якія ажыццяўляюць стацыянарнае сацыяльнае абслугоўванне.

Дзеянне гэтага палажэння, у першую чаргу, накіравана на недапушчэнне траплення адзінокіх грамадзян у цяжкую жыццёвую сітуацыю, падтрымання іх сацыяльнага статусу, а таксама ў мэтах мінімізацыі выдаткаў адзінокіх грамадзян на сацыяльна-значныя паслугі.

Што такое дамова пажыццёвага ўтрымання? - гэта дагавор, па якім атрымальнік рэнты - грамадзянін перадае прыналежнае яму жылое памяшканне ва ўласнасць адміністрацыйна-тэрытарыяльнай адзінкi, а плацельшчык рэнты абавязуецца ажыццяўляць пажыццёвае ўтрыманне грамадзяніна і (або) названай ім трэцяй асобы - жонкі (мужа) грамадзяніна (далей - трэцяя асоба).

Рэнта – гэта кошт пажыццёвага ўтрымання, які ўключае выдаткі па ўтрыманні, аказанні сацыяльных паслуг.

Плацельшчык рэнты - мясцовыя выканаўчыя і распарадчыя органы ў асобе тэрытарыяльных цэнтраў і стацыянарных устаноў.

Атрымальнік рэнты - грамадзяне Рэспублікі Беларусь, замежныя грамадзяне або асобы без грамадзянства, якія пастаянна пражываюць у Рэспубліцы Беларусь (далей - грамадзяне), якія дасягнулі 70-гадовага ўзросту, не маюць фізічных асоб, абавязаных па законе іх утрымліваць;

Грамадзяне, якія знаходзяцца паміж сабой у шлюбе, у тым ліку, калі адзін з іх з'яўляецца трэцяй асобай, пры ўмове дасягнення абодвума мужам і жонкай 70-гадовага ўзросту, якія не маюць іншых фізічных асоб, абавязаных па законе іх утрымліваць.

Дагавор пажыццёвага ўтрымання, пагадненне аб змяненні, скасаванні дагавора пажыццёвага ўтрымання падлягаюць натарыяльнаму пасведчанню і дзяржаўнай рэгістрацыі ў адпаведнасці з актамі заканадаўства.

Аказанне сацыяльных паслуг на падставе дагавора пажыццёвага ўтрымання ажыццяўляецца пры наяўнасці ў атрымальніка рэнты медыцынскіх паказанняў для аказання сацыяльных паслуг у тэрытарыяльных цэнтрах у форме сацыяльнага абслугоўвання дома і дамах-інтэрнатах (аддзяленнях) павышанай камфортнасці для састарэлых і інвалідаў.

Істотнымі ўмовамі дамовы пажыццёвага ўтрымання, якая прадугледжвае прадастаўленне сацыяльных паслуг тэрытарыяльнымі цэнтрамі, з'яўляюцца:

пражыванне атрымальніка рэнты ў перададзеным пад выплату рэнты жылым памяшканні;

прадастаўленне без спагнання платы атрымальніку рэнты сацыяльных паслуг, прадугледжаных пералікам бясплатных і агульнадаступных сацыяльных паслуг дзяржаўных устаноў сацыяльнага абслугоўвання з нормамі і нарматывамі забяспечанасці грамадзян гэтымі паслугамі, зацверджанай пастановай Савета Міністраў Рэспублікі Беларусь ад 27 снежня 2012 г. № 1218 «Аб некаторых пытаннях аказання сацыяльных паслуг» (з наступнымі зменамі і дапаўненнямі), у тым ліку звыш нормаў і нарматываў забяспечанасці грамадзян паслугамі тэрытарыяльных цэнтраў у форме сацыяльнага абслугоўвання дома па працоўных днях.

На дату заключэння дагавора пажыццёвага ўтрымання з утрыманнем жылое памяшканне павінна адпавядаць наступным патрабаванням:

• належаць на праве ўласнасці асобе, з якой заключаецца дамова пажыццёвага ўтрымання;
• знаходзіцца на тэрыторыі адміністрацыйна-тэрытарыяльнай адзінкі Рэспублікі Беларусь, у межах якой у парадку, устаноўленым заканадаўствам, створаны і дзейнічае плацельшчык рэнты;
• быць свабодным ад правоў трэціх асоб;
• у ім не могуць быць зарэгістраваны асобы, якія не з'яўляюцца атрымальнікамі рэнты.

Грамадзянін, які жадае заключыць дамову пажыццёвага ўтрымання для атрымання сацыяльных паслуг, што аказваюцца стацыянарнымі ўстановамі, звяртаецца ва ўпраўленне па працы, занятасці і сацыяльнай абароне з заявай устаноўленай формы і прадстаўляе наступныя дакументы:

• дакумент, які сведчыць асобу;
• дакументы, якія пацвярджаюць права ўласнасці на жылое памяшканне;
• заключэнне ўрачэбна-кансультацыйнай камісіі;
• выпіску з медыцынскіх дакументаў;
• дакументы, якія пацвярджаюць права на льготы;
• дзве фатаграфіі памерам 30*40 мм;
• іншыя неабходныя дакументы запытваюцца ўпраўленнем па працы, занятасці і сацыяльнай абароне на працягу сямі працоўных дзён з дня паступлення заявы ў адпаведных дзяржаўных органаў (арганізацый).

Грамадзянін, які жадае заключыць дагавор пажыццёвага ўтрымання для атрымання сацыяльных паслуг, што аказваюцца тэрытарыяльным цэнтрам, звяртаецца ў тэрытарыяльны цэнтр па месцы знаходжання жылога памяшкання, якое належыць яму на праве ўласнасці, з заявай устаноўленай формы і прадстаўляе наступныя дакументы:

• дакумент, які сведчыць асобу;
• дакументы, якія пацвярджаюць права ўласнасці на жылое памяшканне;
• медыцынскую даведку аб стане здароўя, якая змяшчае інфармацыю аб наяўнасці медыцынскіх паказанняў і (або) адсутнасці медыцынскіх супрацьпаказанняў для аказання сацыяльных паслуг у форме сацыяльнага абслугоўвання дома;
• іншыя неабходныя дакументы запытваюцца тэрытарыяльным цэнтрам на працягу сямі працоўных дзён з дня паступлення заявы ў адпаведных дзяржаўных органаў (арганізацый).

Мясцовыя выканаўчыя і распарадчыя органы прымаюць рашэнне аб заключэнні або адмове ў заключэнні дагавора пажыццёвага ўтрымання з улікам прапаноў камісіі, створанай імі для разгляду пытанняў аказання сацыяльных паслуг на падставе дагавора пажыццёвага ўтрымання.

Рашэнне аб заключэнні дагавора пажыццёвага ўтрымання для аказання сацыяльных паслуг тэрытарыяльнымі цэнтрамі прымаецца мясцовымі выканаўчымі і распарадчымі органамі базавага тэрытарыяльнага ўзроўню.

Тэрмін прыняцця рашэння мясцовымі выканаўчымі і распарадчымі органамі аб заключэнні дагавора пажыццёвага ўтрымання для аказання сацыяльных паслуг не павінен перавышаць 60 дзён з дня паступлення неабходных дакументаў.

Для заключэння дагавора пажыццёвага ўтрымання для атрымання сацыяльных паслуг трэба звяртацца ў тэрытарыяльны цэнтр па месцы знаходжання жылога памяшкання, якое належыць адзінокаму грамадзяніну, дасягнуўшаму 70-гадовага ўзросту на праве ўласнасці. Грамадзяне, жылое памяшканне якіх знаходзіцца на тэрыторыі Валожынскага раёна, звяртаюцца па адрасе: г.Валожын, вул.Міра, д.8, каб.№5, 2 (з 8.00 да 17.00) у працоўныя дні або па тэлефонах: 68105 , 6 63 49

Грамадзянам, якія жадаюць заключыць дамову пажыццёвага ўтрымання для атрымання сацыяльных паслуг, што аказваюцца стацыянарнымі ўстановамі, трэба звяртацца ва ўпраўленне па працы, занятасці і сацыяльнай абароне Валожынскага райвыканкама па адрасе:г.Валожын, пл.Свабоды, в. 2, каб.219 (з 8.00 да 17.00) у працоўныя дні або па тэлефонах: 5 81 97, 5 54 45